ਐਸਬੀਐਸਐਸਯੂ, ਫਿਰੋਜ਼ਪੁਰ ਅਤੇ ਐਨਆਈਟੀਟੀਆਰ, ਚੰਡੀਗੜ੍ਹ ਵੱਲੋਂ ਅਕਾਦਮਿਕ ਅਤੇ ਖੋਜ ਸਹਿਯੋਗ ਮਜ਼ਬੂਤ ਕਰਨ ਲਈ ਸਮਝੌਤਾ ਯਾਦਦਾਸ਼ਤ (ਐਮ ਓ ਯੂ) ’ਤੇ ਦਸਤਖ਼ਤ

ਐਸਬੀਐਸਐਸਯੂ, ਫਿਰੋਜ਼ਪੁਰ ਅਤੇ ਐਨਆਈਟੀਟੀਆਰ, ਚੰਡੀਗੜ੍ਹ ਵੱਲੋਂ ਅਕਾਦਮਿਕ ਅਤੇ ਖੋਜ ਸਹਿਯੋਗ ਮਜ਼ਬੂਤ ਕਰਨ ਲਈ ਸਮਝੌਤਾ ਯਾਦਦਾਸ਼ਤ (ਐਮ ਓ ਯੂ) ’ਤੇ ਦਸਤਖ਼ਤ

ਫਿਰੋਜ਼ਪੁਰ, 2-3-2026: ਸ਼ਹੀਦ ਭਗਤ ਸਿੰਘ ਸਟੇਟ ਯੂਨੀਵਰਸਿਟੀ, ਫਿਰੋਜ਼ਪੁਰ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ ਟੈਕਨੀਕਲ ਟੀਚਰਜ਼ ਟ੍ਰੇਨਿੰਗ ਐਂਡ ਰਿਸਰਚ (ਐਨ ਆਈ ਟੀ ਟੀ ਆਰ), ਚੰਡੀਗੜ੍ਹ ਨੇ 2 ਮਾਰਚ 2026 ਨੂੰ ਅਕਾਦਮਿਕ ਉਤਕ੍ਰਿਸ਼ਟਤਾ, ਅਧਿਆਪਕ ਵਿਕਾਸ, ਖੋਜ ਨਵੀਨਤਾ ਅਤੇ ਸੰਸਥਾਗਤ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਇਕ ਸਮਝੌਤਾ ਯਾਦਦਾਸ਼ਤ (ਐਮ ਓ ਯੂ) ’ਤੇ ਦਸਤਖ਼ਤ ਕੀਤੇ।

ਇਸ ਸਮਝੌਤੇ ’ਤੇ ਐਸ ਬੀ ਐਸ ਐਸ ਯੂ, ਫਿਰੋਜ਼ਪੁਰ ਦੇ ਵਾਈਸ ਚਾਂਸਲਰ ਪ੍ਰੋਫੈਸਰ ਸੁਰੇਸ਼ ਕੁਮਾਰ ਸ਼ਰਮਾ ਅਤੇ ਐਨਆਈਟੀਟੀਆਰ, ਚੰਡੀਗੜ੍ਹ ਦੇ ਡਾਇਰੈਕਟਰ ਪ੍ਰੋਫੈਸਰ ਭੋਲਾ ਰਾਮ ਗੁਰਜਰ ਨੇ ਦੋਵਾਂ ਸੰਸਥਾਵਾਂ ਦੇ ਸੀਨੀਅਰ ਅਧਿਕਾਰੀਆਂ ਦੀ ਹਾਜ਼ਰੀ ਵਿੱਚ ਦਸਤਖ਼ਤ ਕੀਤੇ। ਦੋਵਾਂ ਸੰਸਥਾਵਾਂ ਨੇ ਭਰੋਸਾ ਜਤਾਇਆ ਕਿ ਇਹ ਨਵੀਂ ਸਹਿਯੋਗੀ ਯਾਤਰਾ ਭਵਿੱਖ ਵਿੱਚ ਮਹੱਤਵਪੂਰਨ ਅਕਾਦਮਿਕ ਉਪਲਬਧੀਆਂ ਅਤੇ ਸਾਂਝੀ ਸਫਲਤਾ ਦਾ ਰਾਹ ਖੋਲ੍ਹੇਗੀ।

ਇਹ ਮਹੱਤਵਪੂਰਨ ਸਹਿਯੋਗ ਸਾਂਝੇ ਖੋਜ ਪ੍ਰਯਾਸਾਂ ਨੂੰ ਮਜ਼ਬੂਤ ਕਰਨ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦੇ ਆਦਾਨ-ਪ੍ਰਦਾਨ, ਹੁਨਰ ਵਿਕਾਸ ਪ੍ਰੋਗਰਾਮਾਂ ਅਤੇ ਅਕਾਦਮਿਕ ਅਤੇ ਪੇਸ਼ੇਵਰ ਗਤੀਵਿਧੀਆਂ ਦੇ ਸਾਂਝੇ ਆਯੋਜਨ ਵੱਲ ਇੱਕ ਅਗੇਤੀ ਕਦਮ ਹੈ। ਇਸ ਭਾਈਚਾਰੇ ਨਾਲ ਦੋਵਾਂ ਸੰਸਥਾਵਾਂ ਦੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਲਈ ਗਿਆਨ ਸਾਂਝਾ ਕਰਨ ਅਤੇ ਸਾਂਝੀ ਖੋਜ ਦੇ ਨਵੇਂ ਮੌਕੇ ਉਪਲਬਧ ਹੋਣ ਦੀ ਉਮੀਦ ਹੈ।

ਐਸਬੀਐਸਐਸਯੂ ਵੱਲੋਂ ਡਾ. ਗਜ਼ਲ ਪ੍ਰੀਤ ਸਿੰਘ, ਰਜਿਸਟਰਾਰ, ਅਤੇ ਡਾ. ਰਾਜੀਵ ਕੁਮਾਰ ਗਰਗ, ਡੀਨ ਅਕੈਡਮਿਕਸ, ਸਮਾਰੋਹ ਦੌਰਾਨ ਮੌਜੂਦ ਰਹੇ। ਐਨ ਆਈ ਟੀ ਟੀ ਆਰ, ਚੰਡੀਗੜ੍ਹ ਵੱਲੋਂ ਡਾ. ਰਾਮਾ ਕ੍ਰਿਸ਼ਣਾ ਚੱਲਾ, ਡੀਨ (ਪ੍ਰਸ਼ਾਸਨ ਅਤੇ ਵਿੱਤ); ਡਾ. ਮੀਨਾਕਸ਼ੀ ਸੂਦ, ਐਸੋਸੀਏਟ ਡੀਨ (ਆਉਟਰੀਚ ਅਤੇ ਰਿਸੋਰਸ ਜਨਰੇਸ਼ਨ); ਡਾ. ਰੂਪਿੰਦਰ ਸਿੰਘ, ਡੀਨ (ਖੋਜ ਅਤੇ ਨਵੀਨਤਾ); ਅਤੇ ਪ੍ਰੋ. (ਡਾ.) ਲਿਨੀ ਮੈਥਿਊ, ਡੀਨ (ਸਕੂਲ ਆਫ ਇੰਜੀਨੀਅਰਿੰਗ ਐਂਡ ਸਾਇੰਸਜ਼) ਨੇ ਸਮਾਰੋਹ ਦੀ ਸ਼ੋਭਾ ਵਧਾਈ।