ਤੀਜੇ ਆਯੂਸ਼ ਮੈਡੀਕਲ ਕੈਂਪ ਵਿੱਚ 512 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ
ਤੀਜੇ ਆਯੂਸ਼ ਮੈਡੀਕਲ ਕੈਂਪ ਵਿੱਚ 512 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ
ਫਿਰੋਜ਼ਪੁਰ, 5 ਫਰਵਰੀ, 2026:
ਪੰਜਾਬ ਸਰਕਾਰ ਦੇ ਨਿਰਦੇਸ਼ਾਂ ਅਨੁਸਾਰ, ਪਿੰਡ ਟਿੱਬੀ ਕਲਾਂ ਵਿਖੇ ਡਾਇਰੈਕਟਰ ਆਯੂਰਵੇਦ ਡਾ: ਰਮਨ ਖੰਨਾ, ਜ਼ਿਲ੍ਹਾ ਆਯੂਰਵੇਦਿਕ ਅਤੇ ਯੂਨਾਨੀ ਅਫ਼ਸਰ ਡਾ: ਰੁਪਿੰਦਰਦੀਪ ਕੌਰ ਗਿੱਲ ਅਤੇ ਜ਼ਿਲ੍ਹਾ ਹੋਮਿਓਪੈਥਿਕ ਅਫ਼ਸਰ ਡਾ: ਰੁਪਿੰਦਰ ਕੌਰ ਦੀ ਅਗਵਾਈ ਹੇਠ ਤੀਜਾ ਆਯੂਸ਼ ਮੈਡੀਕਲ ਕੈਂਪ ਲਗਾਇਆ ਗਿਆ।
ਕੈਂਪ ਦਾ ਉਦਘਾਟਨ ਪਿੰਡ ਦੇ ਸਰਪੰਚ ਜਗਜੀਤ ਸਿੰਘ ਨੇ ਕੀਤਾ, ਜਦੋਂ ਕਿ ਗੁਰਵਿੰਦਰ ਸਿੰਘ (ਡਿਸਪੈਂਸਰ), ਜਜ਼ਬੀਰ ਸਿੰਘ, ਅੰਜੂ ਅਤੇ ਮੰਜੂ ਨੇ ਇਸ ਦੇ ਸਫਲ ਆਯੋਜਨ ਵਿੱਚ ਪੂਰਾ ਸਹਿਯੋਗ ਦਿੱਤਾ।
ਆਯੂਰਵੇਦਿਕ ਵਿਭਾਗ ਦੇ ਡਾਕਟਰਾਂ ਜਿਨ੍ਹਾਂ ਵਿੱਚ ਡਾ: ਸੁਮਿਤ ਮੋਂਗਾ, ਡਾ: ਰੁਪਿੰਦਰਜੀਤ ਕੌਰ, ਲਵਦੀਪ ਸਿੰਘ, ਰੋਬੀਨਾ ਅਤੇ ਅਮਨਦੀਪ ਕੌਰ ਸ਼ਾਮਲ ਸਨ, ਨੇ ਹੋਮਿਓਪੈਥਿਕ ਡਾਕਟਰਾਂ ਡਾ: ਸਤਨਾਮ ਸਿੰਘ ਗਿੱਲ, ਬਲਜੀਤ ਸਿੰਘ ਅਤੇ ਡਿਸਪੈਂਸਰ ਵਿਕਾਸ ਕੁਮਾਰ ਦੇ ਨਾਲ ਆਪਣੀਆਂ ਸੇਵਾਵਾਂ ਦਿੱਤੀਆਂ।
ਕੈਂਪ ਦੌਰਾਨ, 512 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ। ਮੁਫ਼ਤ ਸ਼ੂਗਰ ਟੈਸਟ ਕੀਤੇ ਗਏ ਅਤੇ ਦਵਾਈਆਂ ਮੁਫ਼ਤ ਵੰਡੀਆਂ ਗਈਆਂ।
