ਫਿਰੋਜ਼ਪੁਰ ਦੇ ਇਮਰਜਿੰਗ ਲੀਡਰਜ਼ ਅਵਾਰਡਜ਼-2025 ਦਾ ਪੋਸਟਰ ਮਾਨਯੋਗ ਡਿਪਟੀ ਕਮਿਸ਼ਨਰ ਦੀਪਸ਼ਿਖਾ ਸ਼ਰਮਾ ਦੁਆਰਾ ਜਾਰੀ ਕੀਤਾ

ਫਿਰੋਜ਼ਪੁਰ ਦੇ ਇਮਰਜਿੰਗ ਲੀਡਰਜ਼ ਅਵਾਰਡਜ਼-2025 ਦਾ ਪੋਸਟਰ ਮਾਨਯੋਗ ਡਿਪਟੀ ਕਮਿਸ਼ਨਰ ਦੀਪਸ਼ਿਖਾ ਸ਼ਰਮਾ ਦੁਆਰਾ ਜਾਰੀ ਕੀਤਾ

ਫਿਰੋਜ਼ਪੁਰ, 25-1-2025: ਫਿਰੋਜ਼ਪੁਰ ਖੇਤਰ ਦੀਆ ਉਭਰਦੀਆਂ ਪ੍ਰਤਿਭਾਵਾਂ ਨੂੰ ਪਛਾਣਨ ਅਤੇ ਸਨਮਾਨਿਤ ਕਰਨ ਦੇ ਉਦੇਸ਼ ਨਾਲ, ਅੱਜ ਫਿਰੋਜ਼ਪੁਰ ਦੇ ਇਮਰਜਿੰਗ ਲੀਡਰਜ਼ ਅਵਾਰਡਜ਼-2025 ਦਾ ਪੋਸਟਰ ਮਾਣਯੋਗ ਡਿਪਟੀ ਕਮਿਸ਼ਨਰ ਦੀਪਸ਼ਿਖਾ ਸ਼ਰਮਾ ਵਲੋਂ ਇੱਕ ਪ੍ਰੇਰਣਾਤਮਕ ਸਮਾਰੋਹ ਵਿੱਚ ਜਾਰੀ ਕੀਤਾ ਗਿਆ। ਇਸ ਮੌਕੇ ‘ਤੇ ਡਾ. ਐਸ.ਐਨ. ਰੁਦ੍ਰਾ (ਉਪ ਪ੍ਰਧਾਨ, ਐਮ.ਐਲ.ਬੀ ਫਾਊਂਡੇਸ਼ਨ) ਅਤੇ ਜਿਮੀ ਕੱਕੜ (ਪ੍ਰਧਾਨ, ਫਿਰੋਜ਼ਪੁਰ ਫਾਊਂਡੇਸ਼ਨ) ਨੇ ਪ੍ਰੋਗਰਾਮ ਵਿਚ ਸ਼ਾਮਿਲ ਹੋ ਕੇ ਸਮਾਰੋਹ ਦੀ ਸ਼ੋਭਾ ਵਧਾਈ।

ਇਸ ਮੌਕੇ ਤੇ ਵਿਸ਼ੇਸ਼ ਮਹਿਮਾਨਾਂ ਵਿੱਚ ਵਿਕਾਸ ਪਾਸੀ, ਵਿੱਪਨ ਕੁਮਾਰ ਸ਼ਰਮਾ, ਪਰਮਵੀਰ ਸ਼ਰਮਾ ਅਤੇ ਸਪਨ ਵਤਸ ਸ਼ਾਮਲ ਹੋਏ। ਪ੍ਰੋਗਰਾਮ ਵਿੱਚ ਆਯੋਜਕ ਟੀਮ ਦੇ ਸਾਂਝੇ ਯਤਨਾਂ ਅਤੇ ਰਕਸ਼ਾ ਫਾਊਂਡੇਸ਼ਨ ਤੋਂ ਵਰਿੰਦਰ ਮੋਹਨ ਸਿੰਘਲ, ਗਗਨਦੀਪ ਸਿੰਘਲ ਅਤੇ ਮੁਨੀਸ਼ ਪੁੰਜ, ਦਇਆ ਫਾਊਂਡੇਸ਼ਨ ਤੋਂ ਸਮੀਰ ਮਿੱਤਲ ਅਤੇ ਉਮੀਦ ਦੀ ਪਾਠਸ਼ਾਲਾ ਦੇ ਪ੍ਰਧਾਨ ਸ਼ਲਿੰਦਰ ਲੋਰੀਆਂ ਦੇ ਯੋਗਦਾਨ ਦੀ ਸਰਾਹਨਾ ਕੀਤੀ ਗਈ, ਜਿਨ੍ਹਾਂ ਨੇ ਇਸ ਨੇਕ ਉਪਰਾਲੇ ਨੂੰ ਸਫਲ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ।

76ਵੇਂ ਗਣਤੰਤਰ ਦਿਵਸ ਨੂੰ ਸਮਰਪਿਤ ਫਿਰੋਜ਼ਪੁਰ ਦੇ ਇਮਰਜਿੰਗ ਲੀਡਰਜ਼ ਅਵਾਰਡਜ਼-2025, ਵੀ.ਡਬਲਯੂ.ਐੱਸ ਰੇਡੀਓ 90.8 ਵੱਲੋਂ ਵੱਖ-ਵੱਖ ਸਮਾਜਿਕ ਭਲਾਈ ਦੇ ਸੰਸਥਾਵਾਂ ਦੇ ਸਹਿਯੋਗ ਨਾਲ ਸ਼ੁਰੂ ਕੀਤੀ ਇੱਕ ਮੁਹਿੰਮ ਹੈ। ਇਹ ਅਵਾਰਡ ਅਕਾਦਮਿਕ ਦੇ ਹੋਣਹਾਰ ਵਿਦਿਆਰਥੀਆਂ, ਕਲਾ ਅਤੇ ਥੀਏਟਰ ਵਿੱਚ ਨਿਪੁੰਨ ਵਿਅਕਤੀਆਂ, ਏ.ਆਈ. ਅਤੇ ਪ੍ਰੋਗਰਾਮਿੰਗ ਵਿੱਚ ਮਾਹਿਰ, ਕਲਾ-ਚਿੱਤਰਕਾਰੀ ਵਿੱਚ ਨਿਪੁੰਨ ਕਲਾਕਾਰਾਂ, ਨਾਮਚੀਨ ਖਿਡਾਰੀਆਂ, ਉਭਰਦੇ ਕਵੀ/ਲੇਖਕ ਅਤੇ ਸਮਾਜ ਸੇਵਕਾਂ ਵਰਗੀਆਂ ਸ਼੍ਰੇਣੀਆਂ ਵਿੱਚ ਯੋਗਦਾਨ ਪਾਉਣ ਵਾਲੇ ਵਿਅਕਤੀਆਂ ਨੂੰ ਸਨਮਾਨਿਤ ਕਰਨ ਲਈ ਦਿੱਤੇ ਜਾਣਗੇ। ਇਹਨਾਂ ਅਵਾਰਡਜ਼ ਦੇ ਲਈ ਛੇ ਉਮਰ ਵਰਗ (ਅੰਡਰ-8, ਅੰਡਰ-11, ਅੰਡਰ-15, ਅੰਡਰ-19, ਅੰਡਰ-25 ਅਤੇ ਅੰਡਰ-30) ਬਣਾਏ ਗਏ ਹਨ।

ਸਮਾਰੋਹ ਦੌਰਾਨ, ਦੀਪਸ਼ਿਖਾ ਸ਼ਰਮਾ ਨੇ ਇਸ ਮੁਹਿੰਮ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਇਹ ਉਭਰਦੀਆਂ ਪ੍ਰਤਿਭਾਵਾਂ ਨੂੰ ਭਵਿੱਖ ਦੇ ਨੇਤਾ ਬਣਨ ਲਈ ਪ੍ਰੇਰਿਤ ਅਤੇ ਉਤਸ਼ਾਹਿਤ ਕਰਨ ਵਿੱਚ ਮਦਦਗਾਰ ਸਾਬਤ ਹੋਵੇਗਾ। ਰਜਿਸਟ੍ਰੇਸ਼ਨ  ਲਈ ਆਖਰੀ ਮਿਤੀ 28 ਫਰਵਰੀ 2025 ਹੈ। ਇਹ ਅਵਾਰਡਜ਼ ਰੱਖਿਆ ਫਾਊਂਡੇਸ਼ਨ, ਫਿਰੋਜ਼ਪੁਰ ਫਾਊਂਡੇਸ਼ਨ, ਦਇਆ ਫਾਊਂਡੇਸ਼ਨ, ਉਮੀਦ ਦੀ ਪਾਠਸ਼ਾਲਾ ਅਤੇ ਐਮਐਲਬੀ ਫਾਊਂਡੇਸ਼ਨ ਦੁਆਰਾ ਸਮਰਥਿਤ ਹਨ।

ਇਹ ਮੁਹਿੰਮ ਫਿਰੋਜ਼ਪੁਰ ਦੀ ਪ੍ਰਤਿਭਾ ਨੂੰ ਨਿਖਾਰਨ ਅਤੇ ਇਕ ਸਾਫ ਅਤੇ ਤਰੱਕੀਸ਼ੀਲ ਸਮਾਜ ਦੀ ਸਿਰਜਣਾ ਵੱਲ ਇਸਦੀ ਵਚਨਬੱਧਤਾ ਦਾ ਸਬੂਤ ਹੈ। ਹੋਰ ਜਾਣਕਾਰੀ ਲਈ 94641-00981 ਜਾਂ 97797-10022 ‘ਤੇ ਸੰਪਰਕ ਕਰੋ।