“ਦ ਗ੍ਰੀਨ ਕੈਨਵਾਸ” ’ਚ 8ਵੀਂ ਮਯੰਕ ਸ਼ਰਮਾ ਮੇਮੋਰੀਅਲ ਪੇਂਟਿੰਗ ਮੁਕਾਬਲਾ, ਫੁੱਲ ਪ੍ਰਦਰਸ਼ਨੀ ਅਤੇ ਕੁਦਰਤੀ ਫੋਟੋਗ੍ਰਾਫੀ ਐਗਜ਼ੀਬਿਸ਼ਨ ਦਾ ਸ਼ਾਨਦਾਰ ਆਯੋਜਨ
“ਦ ਗ੍ਰੀਨ ਕੈਨਵਾਸ” ’ਚ 8ਵੀਂ ਮਯੰਕ ਸ਼ਰਮਾ ਮੇਮੋਰੀਅਲ ਪੇਂਟਿੰਗ ਮੁਕਾਬਲਾ, ਫੁੱਲ ਪ੍ਰਦਰਸ਼ਨੀ ਅਤੇ ਕੁਦਰਤੀ ਫੋਟੋਗ੍ਰਾਫੀ ਐਗਜ਼ੀਬਿਸ਼ਨ ਦਾ ਸ਼ਾਨਦਾਰ ਆਯੋਜਨ
ਫਿਰੋਜ਼ਪੁਰ, 31 ਮਾਰਚ 2025 – ਮਯੰਕ ਫਾਊਂਡੇਸ਼ਨ ਵੱਲੋਂ ਦ ਗ੍ਰੀਨ ਕੈਨਵਾਸ ਤਹਿਤ ਗਾਂਧੀ ਗਾਰਡਨ ’ਚ ਇੱਕ ਵਿਲੱਖਣ ਕਲਾ, ਵਾਤਾਵਰਣੀ ਜਾਗਰੂਕਤਾ ਅਤੇ ਸਮਾਜਿਕ ਸਾਂਝ ਨਾਲ ਭਰਪੂਰ ਇਵੈਂਟ ਡਾ ਅਨਿਰੁਧ ਗੁਪਤਾ ਦੀ ਅਗਵਾਈ ਵਿੱਚ ਆਯੋਜਤ ਕੀਤਾ ਗਿਆ। ਇਹ ਇਵੈਂਟ ਪੰਜਾਬ ਸਟੇਟ ਕੌਂਸਲ ਫੋਰ ਸਾਇੰਸ ਐਂਡ ਟੈਕਨੋਲੋਜੀ ਅਤੇ ਭਾਰਤ ਸਰਕਾਰ ਦੇ ਵਾਤਾਵਰਣ, ਜੰਗਲਾਤ ਅਤੇ জলਵਾਯੂ ਪਰਿਵਰਤਨ ਮੰਤਰਾਲੇ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ।
ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਮੁਸਕਾਨ ਸਕੂਲ ਦੇ ਵਿਸ਼ੇਸ਼ ਬੱਚਿਆਂ ਵੱਲੋਂ ਮਾਨਯੋਗ ਮਹਿਮਾਨਾਂ ਨਾਲ ਮਿਲ ਕੇ ਜੌਤ ਜਲਾਉਣ ਨਾਲ ਹੋਈ, ਜਿਸ ਨੇ ਸਮਾਜਕ ਏਕਤਾ ਅਤੇ ਪ੍ਰੇਰਣਾ ਦਾ ਸੁਨੇਹਾ ਦਿੱਤਾ।
ਫਿਰੋਜ਼ਪੁਰ ਦਾ ਪਹਿਲਾ ਫੁੱਲ ਤੇ ਸੁੰਦਰ ਪੌਦਿਆਂ ਦਾ ਪ੍ਰਦਰਸ਼ਨ-ਇਸ ਵਿਲੱਖਣ ਪ੍ਰਦਰਸ਼ਨੀ ’ਚ 300 ਤੋਂ ਵੱਧ ਵਿਦੇਸ਼ੀ ਅਤੇ ਦੇਸੀ ਪੌਦੇ ਸ਼ਾਮਲ ਰਹੇ। ਤਾਜ਼ੇ ਫੁੱਲਾਂ ਦੀ ਸਜਾਵਟ, ਪੰਖੁੜੀ ਰੰਗੋਲੀ ਅਤੇ ਮਿਨੀਏਚਰ ਗਾਰਡਨ ਮੁਕਾਬਲੇ ਦੌਰਾਨ ਹਜ਼ਾਰਾਂ ਲੋਕਾਂ ਨੇ ਕੁਦਰਤ ਦੀ ਸੁੰਦਰਤਾ ਦਾ ਆਨੰਦ ਮਾਣਿਆ।
ਮਨੀਸ਼ ਆਹੁਜਾ ਦੀ ਕੁਦਰਤੀ ਫੋਟੋਗ੍ਰਾਫੀ ਐਗਜ਼ੀਬਿਸ਼ਨਵਾਤਾਵਰਣ ਵਿਦਵਾਨ ਮਨੀਸ਼ ਆਹੁਜਾ ਵੱਲੋਂ ਵਿਲੱਖਣ ਵਣਸਪਤੀ ਅਤੇ ਜੀਵ-ਜੰਤਰਾਂ ਦੀਆਂ ਤਸਵੀਰਾਂ ਦੀ ਪ੍ਰਦਰਸ਼ਨੀ ਕੀਤੀ ਗਈ, ਜਿਸ ਨੇ ਲੋਕਾਂ ਨੂੰ ਕੁਦਰਤ ਬਚਾਉਣ ਦੀ ਪ੍ਰੇਰਣਾ ਦਿੱਤੀ।
1000+ ਹਿੱਸੇਦਾਰਾਂ ਵੱਲੋਂ ਵਾਤਾਵਰਣ ਸੰਭਾਲ ਦੀ ਅਪੀਲ- 8ਵੀਂ ਮਯੰਕ ਸ਼ਰਮਾ ਮੇਮੋਰੀਅਲ ਪੇਂਟਿੰਗ ਮੁਕਾਬਲੇ ਵਿੱਚ 1000 ਤੋਂ ਵੱਧ ਬੱਚਿਆਂ ਨੇ “ਮੇਰਾ ਹਰਿਆਵਲ ਸੰਸਾਰ,” “ਪਾਣੀ ਤੇ ਊਰਜਾ ਬਚਾਓ,” “ਸਿੰਗਲ-ਯੂਜ਼ ਪਲਾਸਟਿਕ ਘਟਾਓ” ਵਰਗੇ ਵਾਤਾਵਰਣੀ ਵਿਸ਼ਿਆਂ ’ਤੇ ਆਪਣੀ ਕਲਾ ਰਾਹੀਂ ਜਾਗਰੂਕਤਾ ਪੈਦਾ ਕੀਤੀ।
ਮਾਨਯੋਗ ਮਹਿਮਾਨਾਂ ਦੀ ਸ਼ਮੂਲੀਅਤ
• ਮੁੱਖ ਮਹਿਮਾਨ: ਬ੍ਰਿਗੇਡਿਅਰ ਬਿਕ੍ਰਮ ਸਿੰਘ (ਡਿਪਟੀ GOC, ਪ੍ਰਧਾਨ ਕੈਂਟੋਨਮੈਂਟ ਬੋਰਡ) , ਵਿਸ਼ੇਸ਼ ਮਹਿਮਾਨਾਂ ‘ਚ ਬ੍ਰਿਗੇਡਿਅਰ ਵਿਵੇਕ ਗੋਯਲ, SSP ਭੁਪਿੰਦਰ ਸਿੰਘ, CEO ਜੌਨ ਵਿਕਾਸ, ਸਮਾਜ ਸੇਵੀ ਸੰਜਨਾ ਮਿੱਤਲ, ਪ੍ਰੋ. ਡਾ. ਮਨੋਜ ਅਰੋੜਾ, ਮਨਜੀਤ ਸਿੰਘ ਸੁਪਰਡੈਂਟ ਅਤੇ ਸ਼ਲ਼ਿੰਦਰ ਕੁਮਾਰ ਸ਼ਾਮਲ ਸਨ ।ਬ੍ਰਿਗੇਡਿਅਰ ਬਿਕ੍ਰਮ ਸਿੰਘ ਨੇ ਮਯੰਕ ਫਾਊਂਡੇਸ਼ਨ ਦੀ ਪ੍ਰਸ਼ੰਸਾ ਕਰਦਿਆਂ ਵਾਤਾਵਰਣ ਸੰਭਾਲ ਲਈ ਸਾਮੂਹਿਕ ਯਤਨਾਂ ਦੀ ਲੋੜ ਉਤੇ ਜੋਰ ਦਿੱਤਾ।
84 ਵਿਜੇਤਾਵਾਂ ਨੂੰ ਸਨਮਾਨ
ਵੱਖ-ਵੱਖ ਮੁਕਾਬਲਿਆਂ ਵਿੱਚ 84 ਵਿਜੇਤਾਵਾਂ ਨੂੰ ਇਨਾਮ ਦਿੱਤੇ ਗਏ, ਜਦਕਿ ਹਰ ਹਿੱਸੇਦਾਰ ਨੂੰ ਪ੍ਰਮਾਣ ਪੱਤਰ ਅਤੇ ਜਲਪਾਨ ਵੰਡੇ ਗਏ।
ਇਸ ਇਵੈਂਟ ਦੀ ਕਾਮਯਾਬੀ ਵਿੱਚ ਹੇਠਲੇ ਮੈਂਬਰਾ ਨੇ ਵਿਲੱਖਣ ਯੋਗਦਾਨ ਪਾਇਆ:ਪ੍ਰੋਜੈਕਟ ਚੇਅਰਮੈਨ: ਵਿਕਾਸ ਗੁੰਬਰ, ਪ੍ਰੋਜੈਕਟ ਕੋਆਰਡੀਨੇਟਰ: ਅਸ਼ਵਨੀ ਸ਼ਰਮਾ, ਸੰਦੀਪ ਸਹਿਗਲ, ਅਰਨਿਸ਼ ਮੋਂਗਾ, ਦੀਪਕ ਮਾਥਪਾਲ, ਚਰਨਜੀਤ ਸਿੰਘ, ਮਯੰਕ ਫਾਊਂਡੇਸ਼ਨ ਦੇ ਸਕੱਤਰ ਰਾਜੀਵ ਸੇਠੀਆ, ਹਰਿੰਦਰ ਭੁੱਲਰ, ਕਮਲ ਸ਼ਰਮਾ, ਦੀਪਕ ਨਰੂਲਾ, ਦਿਨੇਸ਼ ਚੌਹਾਨ, ਯੋਗੇਸ਼ ਤਲਵਾਰ, ਸੁਖਦੇਵ ਸਿੰਘ, ਅਮਿਤ ਆਨੰਦ, ਤੁਸ਼ਾਰ ਅਗਰਵਾਲ, ਰੁਪਿੰਦਰ ਸਿੰਘ, ਹਰਨਾਮ ਸਿੰਘ, ਮਨੀਸ਼ ਮਿੱਤਲ, ਵਿਕਾਸ ਅਗਰਵਾਲ, ਦੀਪਕ ਸ਼ਰਮਾ।
“ਦ ਗ੍ਰੀਨ ਕੈਨਵਾਸ” – ਕਲਾ ਅਤੇ ਵਾਤਾਵਰਣੀ ਜਾਗਰੂਕਤਾ ਦੀ ਪ੍ਰੇਰਕ ਯਾਤਰਾ – ਇਸ ਇਵੈਂਟ ਨੇ ਕਲਾ, ਵਿਦਿਆ ਅਤੇ ਵਾਤਾਵਰਣ ਸੰਭਾਲ ਦਾ ਸੰਦੇਸ਼ ਦਿੰਦਿਆਂ ਸਮਾਜ ’ਚ ਇੱਕ ਨਵੀਂ ਸੋਚ ਜਗਾਈ।
