ਡਿਪਟੀ ਕਮਿਸ਼ਨਰ ਵੱਲੋ ਬੁਢਾਪਾ ਪੈਨਸ਼ਨਾ ਦੀ ਅਦਾਇਗੀ ਪੈਨਸ਼ਨ ਵੰਡ ਕਮੇਟੀ  ਦੀ ਹਾਜਰ ਵਿਚ ਕਰਨ ਦੇ ਆਦੇਸ਼

ਫਿਰੋਜ਼ਪੁਰ 12 ਜਨਵਰੀ (ਏ.ਸੀ.ਚਾਵਲਾ) ਪੰਜਾਬ ਸਰਕਾਰ ਵੱਲੋਂ ਬੁਢਾਪਾ ਪੈਨਸ਼ਨ ਅਤੇ ਹੋਰ ਵਿੱਤੀ ਸਹਾਇਤਾ ਸਕੀਮਾਂ ਦੀ ਅਦਾਇਗੀ 1 ਜਨਵਰੀ 2016 ਤੋਂ ਵੱਖ ਵੱਖ ਬੈਂਂਕਾਂ ਤੋਂ ਵਾਪਸ ਲੈਦੇ ਹੋਏ ਪੰਚਾਇਤਾਂ ਰਾਹੀ ਵੰਡਣ ਦਾ ਫੈਸਲਾ ਲਿਆ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਡਿਪਟੀ ਕਮਿਸ਼ਨਰ ਇੰਜੀ.ਡੀ.ਪੀ.ਐਸ.ਖਰਬੰਦਾ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਇਹ ਫੈਸਲਾ ਲਿਆ ਗਿਆ ਹੈ ਕਿ ਪੈਨਸ਼ਨ ਦੀ ਰਾਸ਼ੀ 250/- ਰੁਪਏ ਤੋਂ ਵਧਾ ਕੇ 500/-ਰੁਪਏ ਪ੍ਰਤੀ ਮਹੀਨਾਂ ਪ੍ਰਤੀ ਲਾਭਪਾਤਰੀ ਨੂੰ ਦਿੱਤੀ ਜਾਵੇਗੀ। ਉਨ•ਾਂ ਦੱਸਿਆ ਕਿ ਵੱਖ ਵੱਖ ਸਕੀਮਾਂ ਦੇ ਲਾਭਪਾਤਰੀਆਂ ਦੀਆਂ ਸੂਚੀਆਂ ਸਬੰਧਿਤ ਬਲਾਕ ਵਿਕਾਸ ਤੇ ਪੰਚਾਇਤ ਅਫਸਰਾਂ ਨੂੰ ਭੇਜੀਆਂ ਜਾਣਗੀਆਂ। ਇਸ ਉਪਰੰਤ ਗਰਾਮ ਪੰਚਾਇਤਾਂ ਵੱਲੋਂ ਪੈਨਸ਼ਨਾਂ ਦੀ ਵੰਡ ਲਾਭਪਾਤਰੀਆਂ ਨੂੰ ਪਿੰਡ ਦੀ ਸਾਂਝੀ ਤੇ ਪਹਿਲਾ ਦੀ ਤਰ•ਾਂ ਪੈਨਸ਼ਨ ਵੰਡ ਕਮੇਟੀ ਦੀ ਹਾਜ਼ਰੀ ਵਿੱਚ ਵੰਡੀ ਜਾਵੇਗੀ।