10 ਪਰਵਾਸੀ ਮਜਦੂਰਾਂ ਨੂੰ ਰਾਹਤ ਦੇਣ ਲਈ ਜਿਲਾ ਪ੍ਰਸ਼ਾਸਨ ਨੇ 37000 ਰੁਪਏ ਖਰਚ ਕਰਕੇ ਖਰੀਦ ਲੇ ਉਨ੍ਹਾਂ ਦੇ ਨਵੇਂ ਸਾਈਕਲ, ਪੈਸੇ ਲੈ ਕੇ ਖੁਸ਼ੀ-ਖੁਸ਼ੀ ਪਰਤੇ ਘਰ
ਡਿਪਟੀ ਕਮਿਸ਼ਨਰ ਅਤੇ ਐਸਡੀਐਮ ਨੇ ਪਰਵਾਸੀ ਮਜਦੂਰਾਂ ਨੂੰ ਰਾਹਤ ਦੇਣ ਲਈ ਲਿਆ ਬਹੁਤ ਫੈਸਲਾ, ਉਨ੍ਹਾਂ ਨੂੰ ਸਾਈਕਲ ਦੀ ਕੀਮਤ ਅਦਾ ਕਰਕੇ ਘਰ ਭੇਜਿਆ
10 ਪਰਵਾਸੀ ਮਜਦੂਰਾਂ ਨੂੰ ਰਾਹਤ ਦੇਣ ਲਈ ਜਿਲਾ ਪ੍ਰਸ਼ਾਸਨ ਨੇ 37000 ਰੁਪਏ ਖਰਚ ਕਰਕੇ ਖਰੀਦ ਲੇ ਉਨ੍ਹਾਂ ਦੇ ਨਵੇਂ ਸਾਈਕਲ, ਪੈਸੇ ਲੈ ਕੇ ਖੁਸ਼ੀ-ਖੁਸ਼ੀ ਪਰਤੇ ਘਰ
ਡਿਪਟੀ ਕਮਿਸ਼ਨਰ ਅਤੇ ਐਸਡੀਐਮ ਨੇ ਪਰਵਾਸੀ ਮਜਦੂਰਾਂ ਨੂੰ ਰਾਹਤ ਦੇਣ ਲਈ ਲਿਆ ਬਹੁਤ ਫੈਸਲਾ, ਉਨ੍ਹਾਂ ਨੂੰ ਸਾਈਕਲ ਦੀ ਕੀਮਤ ਅਦਾ ਕਰਕੇ ਘਰ ਭੇਜਿਆ
ਫਿਰੋਜਪੁਰ , 17 ਮਈ, 2020:
ਕੋਟਕਪੂਰਾ ਤੋਂ ਫਿਰੋਜਪੁਰ ਕੈਂਟ ਰੇਲਵੇ ਸਟੇਸ਼ਨ ਸ਼ਰਮਿਕ ਐਕਸਪ੍ਰੇਸ ਵਿੱਚ ਸਵਾਰ ਹੋਣ ਆਏ ਪਰਵਾਸੀ ਮਜਦੂਰਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਸ਼ਨੀਵਾਰ ਨੂੰ ਜਿਲਾ ਪ੍ਰਸ਼ਾਸਨ ਫਿਰੋਜਪੁਰ ਨੇ 37000 ਰੁਪਏ ਖਰਚ ਕਰਕੇ ਸਾਰੇ ਦਸ ਮਜਦੂਰਾਂ ਦੇ ਨਵੇਂ ਸਾਈਕਲ ਖਰੀਦ ਲਏ, ਜੋਕਿ ਉਨ੍ਹਾਂ ਦੇ ਮਾਲਿਕ ਨੇ ਉਨ੍ਹਾਂ ਨੂੰ ਤਨਖਵਾਹ ਦੇ ਪੈਸੀਆਂ ਦਾ ਹਿਸਾਬ ਕਰਨ ਵੇਲੇ ਵੇਚ ਦਿੱਤੇ ਸਨ । ਨਕਦ ਪੈਸੇ ਲੈ ਕੇ ਸਾਰੇ ਦਸ ਪਰਵਾਸੀ ਮਜਦੂਰ ਖੁਸ਼ੀ-ਖੁਸ਼ੀ ਟ੍ਰੇਨ ਵਿੱਚ ਸਵਾਰ ਹੋਏ ਅਤੇ ਫਿਰੋਜਪੁਰ ਜਿਲਾ ਪ੍ਰਸ਼ਾਸਨ ਦੀ ਇਸ ਮਦਦ ਲਈ ਖੁਲ ਕੇ ਤਾਰੀਫ ਕੀਤੀ ।
ਜਾਣਕਾਰੀ ਮੁਤਾਬਕ ਕੋਟਕਪੂਰਾ ਤੋਂ ਦਸ ਪਰਵਾਸੀ ਮਜਦੂਰ ਟ੍ਰੇਨ ਫੜਨ ਲਈ ਫਿਰੋਜਪੁਰ ਕੈਂਟ ਰੇਲਵੇ ਸਟੇਸ਼ਨ ਆਏ ਸੀ ਅਤੇ ਸਾਰੀਆਂ ਦੇ ਕੋਲ ਨਵੇਂ ਸਾਈਕਲ ਸਨ । ਉਨ੍ਹਾਂ ਦੱਸਿਆ ਕਿ ਮਾਲਿਕ ਨੇ ਉਨ੍ਹਾਂ ਦੀ ਤਨਖਵਾਹ ਦਾ ਹਿਸਾਬ ਕਰਦੇ ਵਕਤ 3700 ਰੁਪਏ (ਪ੍ਰਤੀ ਸਾਈਕਲ) ਦੀ ਕੀਮਤ ਤੇ ਇਹ ਸਾਈਕਲ ਦਿੱਤੇ ਸੀ ਅਤੇ ਪੈਸੇ ਉਨ੍ਹਾਂ ਦੀ ਤਨਖਵਾਹ ਵਿੱਚੋਂ ਕੱਟ ਲਏ ਸੀ । ਇਸਦੇ ਬਾਅਦ ਉਹ ਸਾਈਕਲ ਲੈ ਕੇ ਫਿਰੋਜਪੁਰ ਕੈਂਟ ਰੇਲਵੇ ਸਟੇਸ਼ਨ ਪੁੱਜੇ ਪਰੰਤੁ ਇੱਥੇ ਰੇਲਵੇ ਅਥਾਰਿਟੀ ਨੇ ਉਨ੍ਹਾਂ ਨੂੰ ਸਾਈਕਲ ਲੈ ਕੇ ਟ੍ਰੇਨ ਵਿੱਚ ਸਵਾਰ ਹੋਣ ਤੋਂ ਮਨਾ ਕਰ ਦਿੱਤਾ । 3700 ਰੁਪਏ ਖਰਚ ਕਰਕੇ ਉਨ੍ਹਾੰ ਨੇ ਇਹ ਸਾਇਕਲ ਖਰੀਦੀਆ ਸੀ, ਜਿਸ ਨੂੰ ਹੁਣ ਓਹ ਨਾਲ ਵੀ ਨਹੀਂ ਲੇ ਜਾ ਸਕਦੇ ਸੀ। ਇਹ ਸਮਸਿਆ ਉਨ੍ਹਾਂ ਨੇ ਮੌਕੇ ਤੇ ਮੌਜੂਦ ਡਿਪਟੀ ਕਮਿਸ਼ਨਰ ਫਿਰੋਜਪੁਰ ਸ਼੍ਰੀ ਕੁਲਵੰਤ ਸਿੰਘ ਅਤੇ ਐਸਡੀਐਮ ਸ਼੍ਰੀ ਅਮਿਤ ਗੁਪਤਾ ਨੂੰ ਦੱਸੀ, ਜਿਨ੍ਹਾਂ ਨੇ ਸਾਰੇ ਦਸ ਪਰਵਾਸੀ ਮਜਦੂਰਾਂ ਨੂੰ ਰਾਹਤ ਦੇਣ ਲਈ ਉਨ੍ਹਾਂ ਦੇ ਸਾਈਕਲ ਪੂਰੀ ਕੀਮਤ ਤੇ ਖਰੀਦਣ ਦਾ ਫੈਸਲਾ ਲਿਆ ।
ਜਿਲਾ ਪ੍ਰਸ਼ਾਸਨ ਨੇ 3700 ਰੁਪਏ ਪ੍ਰਤੀ ਸਾਈਕਲ ਦੀ ਕੀਮਤ ਪਰਵਾਸੀ ਮਜਦੂਰਾਂ ਨੂੰ ਅਦਾ ਕਰ ਦਿੱਤੀ ਅਤੇ ਉਨ੍ਹਾਂ ਨੂੰ ਨਕਦ ਰਾਸ਼ੀ ਸੌਂਪ ਕੇ ਘਰ ਘਲਿਆ । ਪਰਵਾਸੀ ਮਜਦੂਰ ਸਵਰਨਜੀਤ ਕੁਮਾਰ ਨੇ ਦੱਸਿਆ ਕਿ ਫਿਰੋਜਪੁਰ ਪ੍ਰਸ਼ਾਸਨ ਨੇ ਨਾ ਸਿਰਫ ਉਨ੍ਹਾਂ ਦਾ ਦਰਦ ਸੁਣਿਆ ਬਲਕਿ ਉਨ੍ਹਾਂ ਦੇ ਜਖਮਾਂ ਉੱਤੇ ਮਲ੍ਹਮ ਲਗਾਉਣ ਦਾ ਕੰਮ ਵੀ ਕੀਤਾ ਹੈ । ਉਨ੍ਹਾਂ ਨੂੰ ਸਾਈਕਲ ਸਗੋਂ ਪੈਸੀਆਂ ਦੀ ਸਖ਼ਤ ਜ਼ਰੂਰਤ ਸੀ, ਜਿਸਨੂੰ ਸੱਮਝਦੇ ਹੋਏ ਪ੍ਰਸ਼ਾਸਨ ਨੇ 3700 ਰੁਪਏ ਦੇ ਹਿਸਾਬ ਨਾਲ ਉਨ੍ਹਾਂ ਦੇ ਸਾਈਕਲ ਖਰੀਦ ਲਏ । ਉਹ ਕਾਫੀ ਹੈਰਾਨ ਰਹ ਗਏ ਸੀ ਪਰੰਤੁ ਇਸ ਫੈਸਲੇ ਨੇ ਸਾਰੇ ਪਰਵਾਸੀ ਮਜਦੂਰਾਂ ਦੇ ਮਾਯੂਸ ਚੇਹਰਿਆਂ ਉੱਤੇ ਖੁਸ਼ੀ ਲਿਆ ਦਿੱਤੀ । ਉਨ੍ਹਾੰ ਕਿਹਾ ਕਿ ਸੰਕਟ ਦੀ ਇਸ ਘੜੀ ਵਿੱਚ ਕੀਤੀ ਗਈ ਉਹ ਇਸ ਮਦਦ ਨੂੰ ਕਦੇ ਨਹੀਂ ਭੁੱਲ ਸੱਕਦੇ ।
