ਨੇਪਾਲ ਭੁਚਾਲ ਪੀੜਤਾਂ ਦੇ ਰਾਹਤ ਕਾਰਜਾਂ ਲਈ ਐਸ.ਬੀ.ਐਸ ਕੈਂਪਸ ਵਲੋਂ ਯੋਗਦਾਨ

ਫਿਰੋਜ਼ਪੁਰ 19 ਮਈ (ਏ. ਸੀ. ਚਾਵਲਾ) ਨੇਪਾਲ ਭੁਚਾਲ ਪੀੜਤਾਂ ਦੇ ਰਾਹਤ ਕਾਰਜਾਂ ਲਈ ਸੇਵਾ ਭਾਰਤੀ ਸੋਸਾਇਟੀ (ਰਜਿ.) ਫਿਰੋਜ਼ਪੁਰ ਨੂੰ ਸ਼ਹੀਦ ਭਗਤ ਸਿੰਘ ਸਟੇਟ ਟੈਕਨੀਕਲ ਕੈਂਪਸ ਫਿਰੋਜਪੁਰ ਦੇ ਫੈਕਲਟੀ ਸਟਾਫ ਅਤੇ ਵਿਦਿਆਰਥੀਆਂ ਦੇ ਯੋਗਦਾਨ ਸਦਕਾ 40 ਹਜ਼ਾਰ ਰੁਪਏ ਦੀ ਮੱਦਦ ਰਾਸ਼ੀ ਦਿੱਤੀ ਗਈ। ਇਸ ਮੌਕੇ ਡਾ. ਟੀ. ਐਸ. ਸਿੱਧੂ ਕੈਂਪਸ ਡਾਇਰੈਕਟਰ, ਧਰਮਪਾਲ ਬਾਂਸਲ ਚੇਅਰਮੈਨ ਸੇਵਾ ਭਾਰਤੀ ਸੋਸਾਇਟੀ, ਇੰਜ਼ੀ. ਤਰਲੋਚਨ ਚੋਪੜਾ, ਸੈਕਟਰੀ ਸੇਵਾ ਭਾਰਤੀ ਅਤੇ ਬਲਵੰਤ ਸਿੰਘ ਸਿੱਧੂ ਮੈਂਬਰ ਸੇਵਾ ਭਾਰਤੀ ਹਾਜ਼ਰ ਸਨ।