ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਫਿਰੋਜਪੁਰ ਵੱਲੋਂ ‘ਪੈਟਰੋਕੈਮੀਕਲਜ਼’ ਵਿਸ਼ੇ ਤੇ ਰਾਸ਼ਟਰੀ ਵੈਬੀਨਾਰ ਦਾ ਆਯੋਜਨ
ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਫਿਰੋਜਪੁਰ ਵੱਲੋਂ ‘ਪੈਟਰੋਕੈਮੀਕਲਜ਼’ ਵਿਸ਼ੇ ਤੇ ਰਾਸ਼ਟਰੀ ਵੈਬੀਨਾਰ ਦਾ ਆਯੋਜਨ
ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਫਿਰੋਜਪੁਰ ਅਕਾਦਮਿਕ, ਸਮਾਜਿਕ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਵਿੱਚ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦਾ ਇੱਕ ਏ+ ਗ੍ਰੇਡ ਪ੍ਰਾਪਤ ਕਾਲਜ ਹੈ। ਕਾਲਜ ਚੇਅਰਮੈਨ ਸ਼੍ਰੀਮਾਨ ਨਿਰਮਲ ਸਿੰਘ ਢਿੱਲੋਂ (ਸੈਕਟਰੀ, ਦੇਵ ਸਮਾਜ) ਦੀ ਯੋਗ ਅਗਵਾਈ ਅਧੀਨ ਇਹ ਸੰਸਥਾ ਕਾਰਜਸ਼ੀਲ ਹੈ। ਇਸੇ ਲੜੀ ਵਿੱਚ ਪੋਸਟ ਗ੍ਰੇਜੂਏਟ ਰਸਾਇਣ ਵਿਭਾਗ ਦੁਆਰਾ ‘ਪੈਟਰੋਕੈਮੀਕਲਜ਼’ ‘ਤੇ ਵੈਬੀਨਾਰ ਦਾ ਆਯੋਜਨ ਕਰਵਾਇਆ ਗਿਆ । ਇਸ ਮੌਕੇ ਡਾ. ਪ੍ਰਕਾਸ਼ ਕੁਮਾਰ, ਸੀ.ਈ.ਓ, ਐਡੋਰਪਸ਼ਨ ਟੈਕਨਾਲੋਜੀ, ਵਡੋਦਰਾ, ਗੁਜਰਾਤ ਨੇ ਮੁੱਖ ਵਕਤਾਂ ਵਜੋ ਸ਼ਿਰਕਤ ਕੀਤੀ । ਡਾ. ਸੰਗੀਤਾ, ਪ੍ਰਿੰਸੀਪਲ ਅਤੇ ਵਿਭਾਗੀ ਅਧਿਆਪਕਾਂ ਦੁਆਰਾ ਮੁੱਖ ਵਕਤਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ।
ਵੈਬੀਨਾਰ ਦੇ ਸ਼ੁਰੂਆਤੀ ਦੌਰ ਵਿੱਚ ਡਾ. ਪ੍ਰਕਾਸ਼ ਕੁਮਾਰ ਨੇ ਵੱਖ-ਵੱਖ ਪੈਟਰੋਕੈਮੀਕਲਜ ਨਾਲ ਸੰਬੰਧਿਤ ਵਿਸ਼ੇ ਜਿਵੇ ਕਿ ਪੈਟਰੋ ਕੈਮੀਕਲ ਦੇ ਉਦਯੋਗ ਬਾਰੇ ਚਰਚਾ, ਪੈਟਰੋਲੀਅਮ ਉਦਯੋਗ ਵਿੱਚ ਵਾਯੂਮੰਡਲ ਅਤੇ ਵੈਕਿਊਮ ਡਿਸਟਿਲੇਸ਼ਨ, ਪੈਟਰੋ ਕੈਮੀਕਲਜ਼ ਦੇ ਨਾਮ, ਅਣੂ, ਭੌਤਿਕ ਅਤੇ ਰਸਾਇਣਕ ਵਿਸ਼ੇਸ਼ਤਾਵਾਂ ਦੀ ਪਛਾਣ ਬਾਰੇ, ਪੈਟਰੋ ਕੈਮੀਕਲਸ ਦੀ ਮਹੱਤਤਾ ਬਾਰੇ ਆਦਿ ਜਾਣਕਾਰੀ ਵਿਦਿਆਰਥਣਾਂ ਨਾਲ ਸਾਂਝੀ ਕੀਤੀ। ਵੈਬੀਨਾਰ ਵਿੱਚ ਪੋਸਟ ਗ੍ਰੇਜੂਏਟ ਰਸਾਇਣ ਵਿਭਾਗ ਦੇ ਵਿਦਿਆਰਥਣਾਂ ਨੇ ਵੱਧ-ਚੜ੍ਹ ਕੇ ਭਾਗ ਲਿਆ ।
ਵੈਬੀਨਾਰ ਵਿੱਚ ਉਨ੍ਹਾਂ ਉਕਤ ਵਿਸ਼ਿਆ ਬਾਰੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਪੈਟਰੋਕੈਮੀਕਲਸ ਪੈਟਰੋਲੀਅਮ ਉਤਪਾਦਾਂ ਤੋਂ ਲਏ ਗਏ ਰਸਾਇਣ ਹਨ। ਪੈਟਰੋ ਕੈਮੀਕਲਜ਼ ਦੀਆਂ ਉਦਾਹਰਨਾਂ ਪਲਾਸਟਿਕ, ਰਬੜ, ਫਾਈਬਰ, ਪੇਂਟ, ਘੋਲਨ ਵਾਲੇ ਅਤੇ ਡਿਟਰਜੈਂਟ ਹਨ। ਅਸਲ ਵਿੱਚ, ਪੈਟਰੋਲੀਅਮ ਉਤਪਾਦ ਹਾਈਡਰੋਕਾਰਬਨ ਦੇ ਮਿਸ਼ਰਣ ਹੁੰਦੇ ਹਨ, ਜਦੋਂ ਕਿ ਪੈਟਰੋ ਕੈਮੀਕਲ ਲਈ ਕੱਚਾ ਮਾਲ ਸ਼ੁੱਧ ਹਾਈਡਰੋਕਾਰਬਨ ਵੱਖ ਕੀਤਾ ਜਾਂਦਾ ਹੈ ਅਤੇ ਲੋੜੀਂਦੇ ਉਤਪਾਦਾਂ ਵਿੱਚ ਬਦਲਿਆ ਜਾਂਦਾ ਹੈ ਅਤੇ ਇਸ ਦੇ ਨਾਲ ਕੱਚੇ ਤੇਲ ਦੀ ਗੁਣਵੱਤਾ ਅਤੇ ਰਿਫਾਈਨਿੰਗ ‘ਤੇ ਇਸਦਾ ਪ੍ਰਭਾਵ, ਵਾਯੂ ਮੰਡਲੀ ਆਸਵਨ ਅਤੇ ਵੈਕਿਊਮ ਆਸਵਨ ਦੇ ਪਹਿਲੂਆਂ ‘ਤੇ ਚਰਚਾ ਕੀਤੀ। ਉਨ੍ਹਾਂ ਭਾਰਤ ਵਿੱਚ ਰਿਫਾਇਨਰੀ ਦੀ ਸ਼ੁਰੂਆਤ ਬਾਰੇ ਚਰਚਾ ਕੀਤੀ ਅਤੇ ਦੱਸਿਆ ਕਿ ਵਡੋਦਰਾ ਵਿੱਚ ਰਿਫਾਇਨਰੀ ਕਿਵੇਂ ਸ਼ੁਰੂ ਹੋਈ ਅਤੇ ਇਸ ਰਿਫਾਇਨਰੀ ਵਿੱਚ ਕਿਹੜੇ ਮੁੱਖ ਉਤਪਾਦ ਤਿਆਰ ਕੀਤੇ ਗਏ ਸਨ। ਭਾਰਤ ਵਿੱਚ ਦੋ ਤਰ੍ਹਾਂ ਦੇ ਕੱਚੇ ਤੇਲ ਦੇ ਸਰੋਤ ਹਨ, ਸਮੁੰਦਰੀ ਕਿਨਾਰੇ ਅਤੇ ਕਿਨਾਰੇ ਤੋਂ ਬਾਹਰ। ਉਨ੍ਹਾਂ ਦੱਸਿਆ ਕਿ ਪ੍ਰੈਸ਼ਰ ਲਗਾ ਕੇ ਤੇਲ ਕਿਵੇਂ ਕੱਢਿਆ ਜਾਂਦਾ ਹੈ। ਫਿਰ ਉਨ੍ਹਾਂ ਕੱਚੇ ਤੇਲ, ਪੈਰਾਫਿਨਿਕ, ਐਰੋਮੈਟਿਕਸ, ਨੈਫਥੇਨਿਕ, ਮਿਸ਼ਰਤ ਤੇਲ ਦੇ ਕੱਚੇ ਤੇਲ ਦੇ ਵਰਗੀਕਰਨ ਦੀ ਵਿਆਖਿਆ ਕੀਤੀ। ਉਨ੍ਹਾਂ ਕੱਚੇ ਤੇਲ ਦੇ ਵੱਖ-ਵੱਖ ਹਿੱਸਿਆਂ ਬਾਰੇ ਚਰਚਾ ਕੀਤੀ। ਫਿਰ ਉਨ੍ਹਾਂ ਰਿਫਾਇਨਰੀ ਤੋਂ ਵੱਖ ਵੱਖ ਡਿਸਟਿਲੇਸ਼ਨ ਫਰੈਕਸ਼ਨਾਂ ਦੀ ਵਿਆਖਿਆ ਕੀਤੀ। ਉਨ੍ਹਾਂ ਪੈਟਰੋਕੈਮੀਕਲ ਉਦਯੋਗ ਵਿੱਚ ਵੱਖ-ਵੱਖ ਹਾਈਡਰੋਕਾਰਬਨ ਇੰਟਰਮੀਡੀਏਟਸ ਦੀ ਵਰਤੋਂ ਬਾਰੇ ਦੱਸਿਆ।
ਡਾ. ਸੰਗੀਤਾ, ਪ੍ਰਿੰਸੀਪਲ ਨੇ ਇਸ ਮੋਕੇ ਮੁੱਖ ਮਹਿਮਾਨ ਡਾ. ਪ੍ਰਕਾਸ਼ ਕੁਮਾਰ ਜੀ ਦਾ ਵਿਦਿਆਰਥਣਾਂ ਨਾਲ ਪੈਟਰੋਕੈਮੀਕਲਜ਼ ਵਿਸ਼ੇ ਨਾਲ ਸੰਬੰਧਿਤ ਮਹੱਤਵਪੂਰਨ ਜਾਣਕਾਰੀ ਦੇਣ ਤੇ ਧੰਨਵਾਦ ਕੀਤਾ । ਇਸ ਦੇ ਨਾਲ ਹੀ ਉਹਨਾਂ ਵਿਭਾਗ ਦੇ ਮੁਖੀ ਮਿਸ ਨੇਹਾ ਗੁਪਤਾ, ਡਾ. ਹਰਲੀਨ ਕੌਰ, ਅਸਿਸਟੈਂਟ ਪ੍ਰੋਫੈਸਰ ਅਤੇ ਵਿਭਾਗ ਦੇ ਹੌਰਨਾਂ ਅਧਿਆਪਕਾਂ ਨੂੰ ਵੈਬੀਨਾਰ ਦੇ ਸਫਲ ਆਯੋਜਨ ਤੇ ਵਧਾਈ ਦਿੱਤੀ । ਕਾਲਜ ਚੇਅਰਮੈਨ ਸ਼੍ਰੀਮਾਨ ਨਿਰਮਲ ਸਿੰਘ ਢਿੱਲੋਂ ਨੇ ਆਪਣੀਆਂ ਸ਼ੁੱਭ ਕਾਮਨਾਵਾਂ ਦਿੱਤੀਆ ।
