ਪ੍ਰਾਚੀਨ ਸ਼ਿਵਾਲਾ ਮੰਦਰ ਵਿਖੇ ਭੰਡਾਰਾ ਆਯੋਜਿਤ

ਫਿਰੋਜ਼ਪੁਰ 8 ਮਾਰਚ (ਅੰਕੁਰ ਚਾਵਲਾ): ਸਥਾਨਕ ਜ਼ੀਰਾ ਗੇਟ ਸਥਿਤ ਪ੍ਰਾਚੀਨ ਸ਼ਿਵਾਲਾ ਮੰਦਰ ਵਿਖੇ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸ਼ਰਮਾ ਅਤੇ ਗੁਪਤਾ ਨੇ ਦੱਸਿਆ ਕਿ ਇਥੇ ਹਰ ਸਾਲ ਹੀ ਮਹਾਂ ਸ਼ਿਵਰਾਤਰੀ ਦੇ ਤਿਉਹਾਰ ਤੋਂ ਬਾਅਦ ਹਵਨ ਯੱਗ ਕਰਨ ਉਪਰੰਤ ਭੰਡਾਰੇ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਜਿਸ ਵਿਚ ਖੀਰ, ਪੂੜੀ, ਛੋਲੇ, ਹਲਵਾ ਆਦਿ ਦਾ ਲੰਗਰ ਲਗਾਇਆ ਜਾਂਦਾ ਹੈ। ਇਸ ਮੌਕੇ ਮੰਦਰ ਵਿਚ ਮੌਜ਼ੂਦ ਸ਼ਾਮ ਲਾਲ ਮੋਂਗਾ, ਆਸ਼ਾ ਵਾਹੀ, ਲਤਾ, ਨੀਲਮ, ਬਿਮਲਾ, ਆਸ਼ਾ ਚਾਵਲਾ ਆਦਿ ਨੇ ਦੱਸਿਆ ਕਿ ਉਨ•ਾਂ ਵਲੋਂ ਬੜੇ ਪਿਆਰ ਨਾਲ ਮੰਦਰ ਵਿਚ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਪ੍ਰਸ਼ਾਦ ਦਿੱਤਾ ਜਾ ਰਿਹਾ ਅਤੇ ਸ਼ਿਵ ਭਗਤ ਪ੍ਰਸ਼ਾਦ ਲੈਣ ਉਪਰੰਤ ਸ਼ਿਵ ਭੋਲੇ ਦਾ ਅਸ਼ੀਰਵਾਦ ਲੈ ਰਹੇ ਹਨ ਅਤੇ ਗੁਣਗਾਨ ਕਰ ਰਹੇ ਹਨ।