ਸਵਰਗੀ ਮੋਹਨ ਲਾਲ ਭਾਸਕਰ ਦੀ ਯਾਦ ਵਿੱਚ ਦਿੱਤੇ ਜਾਣ ਵਾਲੇ ਸਾਲਾਨਾ ਪੁਰਸਕਾਰ ਦਾ ਐਲਾਨ

2.12.2022: ਸਵਰਗੀ ਮੋਹਨ ਲਾਲ ਭਾਸਕਰ ਦੀ ਯਾਦ ਵਿੱਚ ਕਰਵਾਏ ਗਏ 18ਵੇਂ ਆਰਟ ਐਂਡ ਥੀਏਟਰ ਫੈਸਟੀਵਲ ਵਿੱਚ ਅੱਜ ਸਮਾਜ ਦੀਆਂ ਬੇਮਿਸਾਲ ਪ੍ਰਤਿਭਾਸ਼ਾਲੀ ਸ਼ਖ਼ਸੀਅਤਾਂ ਨੂੰ ਦਿੱਤੇ ਜਾਣ ਵਾਲੇ ਪੁਰਸਕਾਰਾਂ ਦਾ ਐਲਾਨ ਕੀਤਾ ਗਿਆ ਹੈ।

ਉਪਰੋਕਤ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਮੋਹਨ ਲਾਲ ਭਾਸਕਰ ਫਾਊਂਡੇਸ਼ਨ ਦੇ ਉਪ ਮੁਖੀ ਡਾ.ਐਸ.ਐਨ.ਰੁਦਰਾ ਨੇ ਦੱਸਿਆ ਕਿ ਮੋਹਨ ਲਾਲ ਭਾਸਕਰ ਫਾਊਂਡੇਸ਼ਨ ਵੱਲੋਂ ਹਰ ਸਾਲ ਇਸ ਸਰਹੱਦੀ ਖੇਤਰ ਵਿੱਚ ਸਮਾਜ ਸੇਵੀਆਂ, ਸਾਹਿਤ ਅਤੇ ਸਿੱਖਿਆ ਨੂੰ ਉੱਚਾ ਚੁੱਕਣ ਲਈ ਯਤਨਸ਼ੀਲ ਹੋਣਹਾਰ ਪ੍ਰਤਿਭਾਵਾਂ ਨੂੰ ਐਮ.ਐਲ.ਬੀ ਅਵਾਰਡ ਆਫ਼ ਐਕਸੀਲੈਂਸ-2022 ਦਿੱਤਾ ਜਾਂਦਾ ਹੈ। ਪ੍ਰੋਫੈਸਰ ਗੁਰਭਜਨ ਗਿੱਲ (ਸਾਹਿਤ), ਸ਼੍ਰੀ ਮਤੀ ਵੀਰਪਾਲ ਕੌਰ ਐਮਐਲਬੀ ਅਵਾਰਡ ਆਫ ਐਕਸੀਲੈਂਸ- 2022 (ਖੇਡ), ਸ਼੍ਰੀ ਮਤੀ ਰਮਾ ਸੇਖੋਂ ਐਮਐਲਬੀ ਅਵਾਰਡ ਆਫ ਐਕਸੀਲੈਂਸ-2022 (ਕਲਾ ਅਤੇ ਸਾਹਿਤ), ਪ੍ਰੋਫੈਸਰ ਰਾਜੇਸ਼ ਮੋਹਨ ਐਮਐਲਬੀ ਅਵਾਰਡ ਆਫ ਐਕਸੀਲੈਂਸ-2022, ਐਮ.ਐਲ.ਬੀ. ਅਤੇ ਸ਼੍ਰੀ ਗੁਰਪ੍ਰੀਤ ਸਿੰਘ ਨੂੰ 3 ਦਸੰਬਰ ਨੂੰ ਵਿਵੇਕਾਨੰਦ ਵਰਲਡ ਸਕੂਲ ਵਿਖੇ ਹੋਣ ਵਾਲੇ ਮਹਿਫਲ-ਏ-ਮੁਸ਼ਾਇਰਾ ਮੌਕੇ ਐਮ.ਐਲ.ਬੀ ਅਵਾਰਡ ਆਫ਼ ਐਕਸੀਲੈਂਸ-2022 (ਸਮਾਜ ਸੇਵਾ) ਲਈ ਸਨਮਾਨਿਤ ਕੀਤਾ ਜਾਵੇਗਾ।

ਇਸ ਮੌਕੇ ਸ੍ਰੀ ਵਸੀਮ ਬਰੇਲਵੀ (ਬਰੇਲੀ), ਸ੍ਰੀ ਸ਼ਬੀਨਾ ਅਦੀਬ (ਕਾਨਪੁਰ), ਸ੍ਰੀ ਐਮ.ਐਫ.ਫਾਰੂਕੀ (ਚੰਡੀਗੜ੍ਹ), ਸ੍ਰੀ ਖੁਸ਼ਬੀਰ ਸਿੰਘ ਸ਼ਾਦ (ਜਲੰਧਰ), ਸ੍ਰੀ ਰਾਜੇਸ਼ ਮੋਹਨ (ਫਰੀਦਕੋਟ), ਸ੍ਰੀ ਯਸ਼ਨਜੀਤ ਸਿੰਘ ਸਫੀਰ (ਸ. ਚੰਡੀਗੜ੍ਹ), ਸ੍ਰੀ ਅੰਬਿਕਾ ਰੂਹੀ (ਦੇਹਰਾਦੂਨ), ਜਨਾਬ ਅਤੁਲ ਅਜਨਬੀ (ਗਵਾਲੀਅਰ), ਜਨਾਬ ਰਿਤਾਜ ਮੈਣੀ (ਲੁਧਿਆਣਾ) ਅਤੇ ਮੋਹਤਰਮਾ ਰਮਾ ਸੇਖੋਂ (ਮੈਲਬੌਰਨ) ਆਪਣੀਆਂ ਸ਼ਾਇਰੀ ਨਾਲ ਸਰੋਤਿਆਂ ਦਾ ਮਨ ਮੋਹ ਲੈਣਗੇ।