ਪੰਜਾਬ ਰਾਜ ਸਬ ਜੂਨੀਅਰ ਰੈਂਕਿੰਗ ਬੈਡਮਿੰਟਨ ਟੂਰਨਾਮੈਂਟ ਸ਼ੁਰੂ ਵਿਧਾਇਕ ਰਣਬੀਰ ਸਿੰਘ ਭੁੱਲਰ ਨੇ ਮੁੱਖ ਮਹਿਮਾਨ ਵਜੋਂ ਕੀਤੀ ਸ਼ਿਰਕਤ
ਪੰਜਾਬ ਰਾਜ ਸਬ ਜੂਨੀਅਰ ਰੈਂਕਿੰਗ ਬੈਡਮਿੰਟਨ ਟੂਰਨਾਮੈਂਟ ਸ਼ੁਰੂ ਵਿਧਾਇਕ ਰਣਬੀਰ ਸਿੰਘ ਭੁੱਲਰ ਨੇ ਮੁੱਖ ਮਹਿਮਾਨ ਵਜੋਂ ਕੀਤੀ ਸ਼ਿਰਕਤ
ਫਿਰੋਜ਼ਪੁਰ, 08 ਅਕਤੂਬਰ 2022: ਪੰਜਾਬ ਰਾਜ ਸਬ ਜੂਨੀਅਰ (ਅੰਡਰ-13) ਰੈਂਕਿੰਗ ਬੈਡਮਿੰਟਨ ਟੂਰਨਾਮੈਂਟ ਦੀ ਸ਼ੁਰੂਆਤ ਸ਼ਹੀਦ ਭਗਤ ਸਿੰਘ ਸਟੇਡੀਅਮ ਦੇ ਇਨਡੋਰ ਬੈਡਮਿੰਟਨ ਹਾਲ ਵਿਖੇ ਸ਼ੁਰੂ ਹੋਈ ।ਉਦਘਾਟਨੀ ਸਮਾਰੋਹ ਵਿੱਚ ਸ੍ਰ. ਰਣਬੀਰ ਸਿੰਘ ਭੁੱਲਰ ਵਿਧਾਇਕ ਫਿਰੋਜ਼ਪੁਰ ਸ਼ਹਿਰੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸ਼੍ਰੀ ਵਰਿੰਦਰ ਮੋਹਨ ਸਿੰਘਲ ਸਰਪ੍ਰਸਤ, ਸ਼੍ਰੀ ਅਨਿਲ ਅਰੋੜਾ, ਡਾ: ਸੌਰਵ ਬਾਗੀ, ਡਾ.ਸ਼ੀਲ ਸੇਠੀ, ਮਯੰਕ ਫਾਊਂਡੇਸ਼ਨ ਤੋਂ ਦੀਪਕ ਸ਼ਰਮਾ ਅਤੇ ਡਾ: ਅੰਮ੍ਰਿਤਪਾਲ ਸਿੰਘ ਸੋਢੀ ਵੀ ਮੌਜੂਦ ਸਨ।
ਇਹ ਰਾਜ ਪੱਧਰੀ ਰੈਂਕਿੰਗ ਟੂਰਨਾਮੈਂਟ 08 ਤੋਂ 10 ਅਕਤੂਬਰ 2022 ਤੱਕ ਖੇਡਿਆ ਜਾਵੇਗਾ। ਇਸ ਟੂਰਨਾਮੈਂਟ ਵਿਚ ਸੂਬੇ ਦੇ ਵੱਖ-ਵੱਖ ਹਿੱਸਿਆਂ ਤੋਂ 134 ਖਿਡਾਰੀ {ਲੜਕੇ ਅਤੇ ਲੜਕੀਆਂ} ਭਾਗ ਲੈ ਰਹੇ ਹਨ। ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ ਫਿਰੋਜ਼ਪੁਰ ਦੇ ਪ੍ਰੈੱਸ ਸਕੱਤਰ ਸ੍ਰੀ ਸੰਜੇ ਕਟਾਰੀਆ ਨੇ ਦੱਸਿਆ ਕਿ ਅੱਜ ਕੁੱਲ 62 ਮੈਚ ਖੇਡੇ ਗਏ। ਜਲੰਧਰ ਤੋਂ ਸ਼੍ਰੀ ਵਿਰਾਜ ਸ਼ਰਮਾ, ਵੀਰੇਨ ਸੇਠ ਅਤੇ ਜ਼ੋਰਾਵਰ ਸਿੰਘ, ਲੜਕਿਆਂ ਵਿੱਚ ਲੁਧਿਆਣਾ ਤੋਂ ਵਜ਼ੀਰ ਸਿੰਘ ਅਤੇ ਫਾਜ਼ਿਲਕਾ ਤੋਂ ਰਾਘਵ ਜਾਜੋਰੀਆ ਅਤੇ ਗੁਰਦਾਸਪੁਰ ਤੋਂ ਸ਼੍ਰੀਮਤੀ ਮਹਿਵੀਸ਼ ਕੌਰ, ਅੰਮ੍ਰਿਤਸਰ ਤੋਂ ਸੋਨਾਕਸ਼ੀ ਅਤੇ ਦਿਸ਼ੀਕਾ ਸੂਰੀ ਅਤੇ ਮਾਨਿਆ ਰੱਤੀ ਆਕਰਸ਼ਣ ਦਾ ਕੇਂਦਰ ਰਹੇ।
ਉਨ੍ਹਾਂ ਦੱਸਿਆ ਕਿ ਜਲੰਧਰ ਦੀਆਂ ਟੀਮਾਂ ਨੇ ਆਪਣੇ ਮੈਚ ਜਿੱਤ ਕੇ ਟੂਰਨਾਮੈਂਟ ਦੇ ਅਗਲੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਇਸ ਟੂਰਨਾਮੈਂਟ ਵਿੱਚ ਸ੍ਰੀ ਸੁਰੇਸ਼ ਕੁਮਾਰ ਮੁੱਖ ਰੈਫਰੀ ਅਤੇ ਮੈਡਮ ਸ਼ਕੁਰਾ ਬੇਗਮ ਡਿਪਟੀ ਚੀਫ ਰੈਫਰੀ ਵਜੋਂ ਕੰਮ ਕਰ ਰਹੇ ਹਨ।
ਇਸ ਮੌਕੇ ਪੰਜਾਬ ਬੈਡਮਿੰਟਨ ਐਸੋਸੀਏਸ਼ਨ ਤੋਂ ਰਿਤਿਨ ਖੰਨਾ ਖਜ਼ਾਨਚੀ, ਰਾਕੇਸ਼ ਖੰਨਾ ਮੀਤ ਪ੍ਰਧਾਨ, ਅਨੁਪਮ ਕੁਮਾਰੀਆ ਜਨਰਲ ਸਕੱਤਰ, ਮਹਿੰਦਰ ਚੋਪੜਾ ਸੀਨੀਅਰ ਮੀਤ ਪ੍ਰਧਾਨ, ਚਿਤਰੰਜਨ ਬਾਂਸਲ ਹਨੀ ਸਕੱਤਰ (ਸੀ ਐਂਡ ਡੀ), ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ, ਫਿਰੋਜ਼ਪੁਰ ਦੇ ਸ੍ਰੀ ਵਿਨੈ ਵੋਹਰਾ ਜਨਰਲ ਸਕੱਤਰ, ਸ੍ਰੀ ਮਨੋਜ ਗੁਪਤਾ ਸੀਨੀਅਰ ਮੀਤ ਪ੍ਰਧਾਨ, ਸ੍ਰੀ ਮੁਨੀਸ਼ ਪੁੰਜ ਪ੍ਰੋਜੈਕਟ ਚੇਅਰਮੈਨ, ਸ੍ਰੀ ਅਨੂਪ ਅਗਰਵਾਲ, ਸ੍ਰੀ ਅਸ਼ੋਕ ਵੋਡੇਹਰਾ, ਡਾ: ਹਿਮਾਂਸ਼ੂ ਮੋਂਗਾ, ਸ੍ਰੀ ਪੀਯੂਸ਼ ਭਾਟੀਆ ਅਤੇ ਸ੍ਰੀ ਸੰਜੇ ਕਟਾਰੀਆ ਪ੍ਰੈਸ ਸਕੱਤਰ ਹਾਜ਼ਰ ਸਨ।
