ਪੰਜਾਬ ਦੇ ਰਾਜਪਾਲ ਸ੍ਰੀ ਕਪਤਾਨ ਸਿੰਘ ਸੌਲੰਕੀ ਹੋਣਗੇ 66ਵੇਂ ਰਾਜ ਪੱਧਰੀ ਵਣ ਮਹਾ ਉਤਸਵ ਸਮਾਗਮ ਦੇ ਮੁੱਖ ਮਹਿਮਾਨ: ਡਿਪਟੀ ਕਮਿਸ਼ਨਰ

ਪੰਜਾਬ ਦੇ ਰਾਜਪਾਲ ਸ੍ਰੀ ਕਪਤਾਨ ਸਿੰਘ ਸੌਲੰਕੀ ਹੋਣਗੇ 66ਵੇਂ ਰਾਜ ਪੱਧਰੀ ਵਣ ਮਹਾ ਉਤਸਵ ਸਮਾਗਮ ਦੇ ਮੁੱਖ ਮਹਿਮਾਨ: ਡਿਪਟੀ ਕਮਿਸ਼ਨਰ

ਡਿਪਟੀ ਕਮਿਸ਼ਨਰ ਵੱਲੋਂ ਸਮਾਗਮ ਦੀਆਂ ਤਿਆਰੀਆਂ ਸਬੰਧੀ ਮੀਟਿੰਗ

ਫਿਰੋਜਪੁਰ 30 ਜੁਲਾਈ  ( Harish Monga   ) 2ਅਗਸਤ 2015 ਨੂੰ ਫਿਰੋਜਪੁਰ  ਵਿਖੇ 66ਵਾਂ ਰਾਜ ਪੱਧਰੀ ਵਣ ਮਹਾਂ ਉਤਸਵ ਮਨਾਇਆ ਜਾ ਰਿਹਾ ਹੈ । ਜਿਸ ਦੇ ਮੁੱਖ ਮਹਿਮਾਨ ਪੰਜਾਬ ਦੇ ਰਾਜਪਾਲ ਸ੍ਰੀ ਕਪਤਾਨ ਸਿੰਘ ਸੌਲੰਕੀ ਹੋਣਗੇ ਅਤੇ ਵਣ ਤੇ ਜੰਗਲੀ ਜੀਵ ਸੁਰੱਖਿਆ ਮੰਤਰੀ ਪੰਜਾਬ ਸ੍ਰੀ ਚੂਨੀ ਲਾਲ ਭਗਤ, ਸ੍ਰੀ ਕਮਲ ਸ਼ਰਮਾ ਪੰਜਾਬ ਪ੍ਰਧਾਨ ਭਾਜਪਾ, ਮੈਬਰ ਲੋਕ ਸਭਾ ਸ.ਸ਼ੇਰ ਸਿੰਘ ਘੁਬਾਇਆ, ਚੌਧਰੀ ਨੰਦ ਲਾਲ ਮੁੱਖ ਸੰਸਦੀ ਸਕੱਤਰ ਪੰਜਾਬ, ਸ.ਹਰੀ ਸਿੰਘ ਜੀਰਾ ਵਿਧਾਇਕ ਹਲਕਾ ਜੀਰਾ, ਸ.ਜੋਗਿੰਦਰ ਸਿੰਘ ਜਿੰਦੂ ਅਤੇ ਸ੍ਰੀਮਤੀ ਰੀਨਾ ਜੇਤਲੀ ਉਪ ਚੇਅਰਮੈਨ ਪੀ.ਐਸ.ਐਫ.ਡੀ.ਸੀ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕਰਨਗੇ। ਇਹ ਜਾਣਕਾਰੀ ਡਿਪਟੀ ਕਮਿਸ਼ਨਰ  ਇੰਜੀ.ਡੀ.ਪੀ.ਐਸ ਨੇ ਸਮਾਗਮ ਦੀਆਂ ਤਿਆਰੀ ਸਬੰਧੀ ਵੱਖ ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਨਾਲ ਮੀਟਿੰਗ ਦੌਰਾਨ ਦਿੱਤੀ।

ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਪੰਜਾਬ ਦੇ ਰਾਜਪਾਲ ਸ੍ਰੀ ਕਪਤਾਨ ਸਿੰਘ ਸੌਲੰਕੀ ਵੱਲੋਂ ਰਾਜ ਪੱਧਰੀ ਦਿਵਸ ਦੇ ਮੌਕੇ ਤੇ ਫਿਰੋਜਪੁਰ ਜਿਲ੍ਹੇ ਵਿਚ  ਮਿਸ਼ਨ ਗਰੀਨ ਟ੍ਰਿਬਿਊਟ ਤਹਿਤ  ਵੱਖ ਵੱਖ ਥਾਂਵਾਂ ਤੇ ਪੌਦੇ ਲਗਾਕੇ ਸ਼ੁਰੂ ਕਰਨਗੇ । ਮੁਖ ਮਹਿਮਾਨ ਜੀ ਨੂੰ ਸਰਕਟ ਹਾਊਸ ਵਿਖੇ ਗਾਰਡ ਆਫ ਆਨਰ ਦਿੱਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਦੇ ਰਾਜਪਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਚਰਨ ਛੋਹ ਪ੍ਰਾਪਤ ਪਿੰਡ ਬਾਜੀਦਪੁਰ ਸਥਿਤ ਗੁਰਦੁਆਰਾ ਜ਼ਾਮਨੀ ਸਾਹਿਬ ਵਿਖੇ ਨਤ ਮਸਤਕ ਹੋਣ ਤੋ ਬਾਅਦ  ਫਿਰੋਜਪੁਰ ਮੋਗਾ ਰੇਡ ਤੇ ਅਤੇ ਸ਼ਹੀਦੀ ਸਮਾਰਕ ਹੂਸੈਨੀਵਾਲਾ ਵਿਖੇ ਪੌਦੇ ਲਗਾਕੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਉਪਰੰਤ  ਸਵੇਰੇ 10.30 ਵਜੇ ਜੈਨਸਿਜ਼ ਡੈਟਲ ਕਾਲਜ ਮੋਗਾ ਰੋਡ- ਫਿਰੋਜਪੁਰ ਵਿਖੇ  ਰਾਜ ਪੱਧਰੀ ਸਮਾਗਮ ਨੂੰ ਸਬੰਧੋਨ ਕਰਨਗੇ। ਉਨ੍ਹਾਂ ਸਮੂਹ ਅਧਿਕਾਰੀਆਂ ਨੂੰ ਕਿਹਾ ਕਿ ਇਸ ਰੁੱਖ  ਲਗਾਉ ਮੁਹਿੰਮ ਨੂੰ ਮਿਸ਼ਨ ਦੇ ਤੌਰ ਤੇ ਲੈ ਕੇ ਜ਼ਿਲ੍ਹੇ ਵਿੱਚ ਵੱਧ ਤੋਂ ਵੱਧ ਰੁੱਖ ਲਗਾ ਕੇ ਜ਼ਿਲ੍ਹੇ ਨੂੰ ਹਰਿਆ ਭਰਿਆ ਬਣਾਉਣ।

                   ਇਸ ਮੌਕੇ ਸ੍ਰੀ ਅਮਿਤ ਕੁਮਾਰ ਵਧੀਕ ਡਿਪਟੀ ਕਮਿਸ਼ਨਰ, ਸ.ਸੰਦੀਪ ਸਿੰਘ ਗੜਾ ਐਸ.ਡੀ.ਐਮ ਫਿਰੋਜਪੁਰ, ਪ੍ਰੋ.ਜਸਪਾਲ ਸਿੰਘ ਐਸ.ਡੀ.ਐਮ ਗੁਰੂਹਰਸਹਾਏ, ਸ.ਜਰਨੈਲ ਸਿੰਘ ਐਸ.ਡੀ.ਐਮ ਜੀਰਾ, ਸਹਾਇਕ ਕਮਿਸ਼ਨਰ ਮਿਸ ਜਸਲੀਨ ਕੌਰ, ਸ.ਸਤਨਾਮ ਸਿੰਘ ਜ਼ਿਲ੍ਹਾ ਜੰਗਲਾਤ ਅਫਸਰ,ਸ.ਜੁਗਰਾਜ ਸਿੰਘ ਕਟੋਰਾ ਜਿਲ੍ਹਾ ਪ੍ਰਧਾਨ ਭਾਜਪਾ, ਸ੍ਰੀ ਅਸ਼ਵਨੀ ਗਰੋਵਰ ਪ੍ਰਧਾਨ ਨਗਰ ਕੌਂਸਲ ਫਿਰੋਜਪੁਰ, ਜਿਲ੍ਹਾ ਪੰਚਾਇਤ ਤੇ ਵਿਕਾਸ ਅਧਿਕਾਰੀ ਸ.ਰਵਿੰਦਰ ਪਾਲ ਸਿੰਘ ਸੰਧੂ, ਡਾ.ਸਤਿੰਦਰ ਸਿੰਘ ਨੈਸ਼ਨਲ ਐਵਾਰਡੀ, ਸ.ਜਸਵਿੰਦਰ ਸਿੰਘ ਸੰਧੂ,  ਸ.ਅਮਰਿੰਦਰ ਸਿੰਘ ਛ.ਣਸਮੇਤ ਵੱਖ ਵੱਖ  ਵਿਭਾਗਾਂ ਦੇ ਅਧਿਕਾਰੀ ਅਤੇ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦੇ ਹਾਜਰ ਸਨ।