ਹਰਨੇਕ ਸਿੰਘ ਨਮਿਤ ਅੰਤਿਮ ਅਰਦਾਸ 2 ਨੂੰ – ਮੁਲਾਜ਼ਮਾਂ ਦੇ ਹਿੱਤਾਂ ਦੀ ਲੜਾਈ ਲੜਣ ਵਾਲੇ ਯੋਧੇ ਸਨ ਹਰਨੇਕ ਸਿੰਘ
ਸਮਾਜ ਸੇਵੀ ਸੰਸਥਾਵਾਂ ਵਿਚ ਮੋਹਰੀ ਰੋਲ ਅਦਾ ਕਰਕੇ ਆਪਣੀ ਵੱਖਰੀ ਪਹਿਚਾਣ ਬਣਾ ਚੁੱਕੇ ਸਨ ਹਰਨੇਕ ਸਿੰਘ
ਹਰਨੇਕ ਸਿੰਘ ਨਮਿਤ ਅੰਤਿਮ ਅਰਦਾਸ 2 ਨੂੰ – ਮੁਲਾਜ਼ਮਾਂ ਦੇ ਹਿੱਤਾਂ ਦੀ ਲੜਾਈ ਲੜਣ ਵਾਲੇ ਯੋਧੇ ਸਨ ਹਰਨੇਕ ਸਿੰਘ
ਸਮਾਜ ਸੇਵੀ ਸੰਸਥਾਵਾਂ ਵਿਚ ਮੋਹਰੀ ਰੋਲ ਅਦਾ ਕਰਕੇ ਆਪਣੀ ਵੱਖਰੀ ਪਹਿਚਾਣ ਬਣਾ ਚੁੱਕੇ ਸਨ ਹਰਨੇਕ ਸਿੰਘ
ਫਿ਼ਰੋਜ਼ਪੁਰ, 31 ਦਸੰਬਰ, 2021: ਭਲੇ ਸਮੇਂ ਵਿਚ ਉਚੇਰੀ ਸਿੱਖਿਆ ਪ੍ਰਾਪਤ ਕਰਕੇ ਬਿਜਲੀ ਬੋਰਡ ਨੂੰ ਉਚੇਰੀ ਸੇਵਾਵਾਂ ਦੇਣ ਵਾਲੇ ਹਰਨੇਕ ਸਿੰਘ ਨੇ ਭਾਵੇਂ ਆਪਣੇ ਕਾਰਜਕਾਲ ਦੌਰਾਨ ਮੁਲਾਜ਼ਮ ਹਿੱਤਾਂ ਦੀ ਰਾਖੀ ਕਰਦਿਆਂ ਸਮੇਂ ਦੇ ਹਾਕਮਾਂ ਨਾਲ ਆਢਾ ਲਾਈ ਰੱਖਿਆ, ਉਥੇ ਉਚੇਰੀ ਸੋਚ ਅਤੇ ਹਰ ਇਕ ਨੂੰ ਨਾਲ ਲੈ ਕੇ ਚੱਲਣ ਦੀ ਆਦਤ ਨੇ ਹਰਨੇਕ ਸਿੰਘ ਨੂੰ ਸਭਨਾਂ ਦਾ ਬਾਈ ਜੀ ਬਣਾਇਆ ਹੋਇਆ ਸੀ।
ਵਿਚ ਸੇਵਾਵਾਂ ਨਿਭਾਉਂਦੇ ਹੋਏ ਜਿਥੇ ਹਰਨੇਕ ਸਿੰਘ ਨੇ ਆਪਣੇ ਮਹਿਕਮੇ ਵਾਂਗ ਪਰਿਵਾਰ ਨੂੰ ਪੂਰਾ ਸਮਾਂ ਦਿੰਦਿਆਂ ਬੱਚਿਆਂ ਦੀ ਜਿੰਦਗੀ ਸੁਖਾਲੀ ਬਣਾਈ, ਉਥੇ ਸੇਵਾਮੁਕਤੀ ਉਪਰੰਤ ਸਮਾਜ ਸੇਵੀ ਕਾਰਜਾਂ ਵਿਚ ਵੱਧ ਚੜ੍ਹ ਕੇ ਯੋਗਦਾਨ ਪਾਇਆ। ਬਿਜਲੀ ਬੋਰਡ ਵਿਚੋਂ ਸਰਕਲ ਅਸਿਸਟੈਂਟ ਵਜੋਂ ਸਾਲ 2015 ਵਿਚ ਸੇਵਾ ਮੁਕਤ ਹੋਏ ਹਰਨੇਕ ਸਿੰਘ ਨੂੰ ਲੋਕ ਸੇਵਾ ਕਰਨ ਦਾ ਅਜਿਹਾ ਜ਼ਨੂੰਨ ਸੀ ਕਿ ਉਹ ਕਈ ਸੰਸਥਾਵਾਂ ਦੇ ਮੈਂਬਰ ਬਣੇ ਅਤੇ ਕੁਝ ਸਮੇਂ ਵਿਚ ਹੀ ਮੋਹਰੀ ਭੂਮਿਕਾ ਅਦਾ ਕਰਕੇ ਹਰ ਸੰਸਥਾ ਵਿਚ ਆਪਣੀ ਵੱਖਰੀ ਪਹਿਚਾਣ ਬਣਾਉਣ ਦੇ ਨਾਲ-ਨਾਲ ਆਮ ਲੋਕਾਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਲਈ ਹਰ ਸੰਭਵ ਕੋਸਿ਼ਸ਼ ਕਰਦੇ ਰਹੇ।
ਲੰਮੇਰੀ ਉਮਰ ਭੋਗਦਿਆਂ ਸ੍ਰੀ ਹਰਨੇਕ ਸਿੰਘ ਜੀ ਮਿਤੀ 28 ਦਸੰਬਰ 2021 ਨੂੰ ਅਚਾਨਕ ਅਕਾਲ ਚਲਾਣਾ ਕਰ ਗਏ, ਜਿਨ੍ਹਾਂ ਦੀ ਅੰਤਿਮ ਅਰਦਾਸ ਮਿਤੀ 02 ਜਨਵਰੀ ਦਿਨ ਐਤਵਾਰ ਨੂੰ ਗੁਰਦੁਆਰਾ ਰਾਮ ਲਾਲ ਫਿ਼ਰੋਜ਼ਪੁਰ ਸ਼ਹਿਰ ਵਿਖੇ ਹੋਵੇਗੀ।
ਇਸ ਮੌਕੇ ਸ੍ਰੀ ਹਰਨੇਕ ਸਿੰਘ ਨੂੰ ਸਮਾਜ ਸੇਵੀ ਜਥੇਬੰਦੀਆਂ, ਪਾਵਰਕੌਮ ਦੇ ਮੁਲਾਜ਼ਮਾਂ, ਇਲਾਕੇ ਦੇ ਪਤਵੰਤਿਆਂ ਅਤੇ ਸਿਆਸੀ ਨੇਤਾਵਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਜਾਣਗੇ।
